51.981 pasagjerë zbritën në aeroportin e Ohrit në korrik të këtij viti, një rritje prej 44.7% në krahasim me vitin e kaluar. Janë realizuar 466 fluturime, pra është regjistruar një rritje prej 46.1%,informon Struga Ekspres.
Në periudhën janar-korrik të këtij viti kanë zbritur në aeroportin e Ohrit gjithsej 156.465 pasagjerë, një rritje prej 56.4% në krahasim me të njëjtën periudhë të vitit 2018.
Vlerësohet se numri i pasagjerëve të transportuar nga Aeroporti i Ohrit do të arrijë në 300,000 këtë vit.
Aeroporti i Ohrit shërben 22 destinacione, 10 prej të cilave janë shërbime të rregullta ajrore gjatë gjithë vitit për 14 linja ajrore: Wizz Air, Edelweiss, Eurowings, Arkia Israel Airlines, Chair Airlines, Pegasus, Onur Air, Corendon Airlines, Brussels Airlines, TUIFly, Nordica, Enter Air, LOT dhe Helvetic.(Struga Ekspres)
