24 vjeçari që vrau 8 persona është në arrati dhe i armatosur, rrezik për të tjerët
Shqipëri, Slider

24 vjeçari që vrau 8 persona është në arrati dhe i armatosur, rrezik për të tjerët

Janë zbuluar dhe identitetet e disa prej personave që janë masakruar me breshëri automatiku nga familjari i tyre, 24 vjeçari Ridvan Zykaj.
Masakra që ka ndodhur në fshatin Resulaj në bashkinë e Selenicës ka një dimension me të vërtetë tragjik, pasi mes viktimave ka dhe dy fëmijë të mitur. Ledion Zykaj, 6 vjeç ka gjetur vdekjen nga plumbat e 24 vjeçarit, ndërsa një tjetër viktimë është një vajzë në moshë 17 vjeçare, e identifikuar si Vasilika Zykaj.

Emrat janë bërë publik nga News24 dhe vijojnë si më poshtë:

Bëhet fjalë për shtetasit; Denik Zyka, Hazem Zyka, Afërdita Zyka, Besim Zyka, Sara Zyka, Vasilika Zykaj (17 vjec) dhe Ledion Zyka (i mitur, 6 vjec)

Aktualisht 24 vjeçari ndodhet në arrati dhe me rënien e natës gjetja e dorëzimi i tij do të bëhet edhe më i vështirë. Ridvan Zykaj është i armatosur ende dhe përbën një rrezik serioz për persona të tjerë.

August 10, 2018
Struga Ekspres